21.11.2025
Креативдүү индустриялардагы долбоордук менеджмент: брендди башкаруу
17-ноябрдан 21-ноябрга чейин Адам университетинин өкүлдөрү «Мода Шериктештиги» эл аралык форумунун алкагында уюштурулган «Креативдүү индустриялардагы долбоордук менеджмент: брендди башкаруу» аттуу акселерациялык программага катышты.
Программа Санкт-Петербург мамлекеттик экономикалык университети менен биргеликте КМШ Парламенттер аралык Ассамблеясынын колдоосу менен өткөрүлдү.
Окутуу онлайн форматта өтүп, бренд-менеджмент, стратегиялык коммуникациялар жана долбоорлорду башкаруунун заманбап ыкмалары боюнча көндүмдөрдү өнүктүрүүгө багытталды. Катышуучулар бренддерди алдыга жылдыруу куралдары, биргелешкен долбоорлорду түзүү механизмдери жана жеңил өнөр жай тармагында КМШ өлкөлөрүнүн кызматташуу формалары менен таанышышты.
Жыйынтыктоочу сынакта Адам университетинин командасы өзүнүн долбоорун сунуштап, 1-орунду ээледи.
Команданын курамына төмөнкүлөр кирди:
• Улук окутуучу – Аманбаева Чынара,
• Доценттин милдетин аткаруучу – Шаршеева Асел,
• «Экономика, менеджмент жана туризм» программасынын магистранты – Чоюбекова Азима.
Команда өз ишин ийгиликтүү коргоп, КМШ өлкөлөрүнөн келген катышуучулардын арасында жеңүүчү болду.
Адам университети эл аралык кызматташтыкты өнүктүрүүнү, долбоордук ишмердүүлүктү күчөтүүнү жана студенттер менен окутуучулар үчүн жаңы мүмкүнчүлүктөрдү ачууну улантууда.
